Monday, June 17, 2013

ghazal by dr meena naqvi

ghazal  by dr meena naqvi
ghazal 
by dr meena naqvi

ye mat samajhna faqeer hu'n mai..
ana ke haq mai kaseer hu'n mai...

mujhe sitaara samajhne valo'n ..
falak pe badr e muneer hu'n mai

haqiqate'n mujh mai khemazan hai'n..
sadaqat'o'n ki safeer hu'n mai...

hai munsafi mere dam se qayam...
adalato'n ki musheer hu'n mai...

misaal merei nahi'n milegi..
k aap apni nazeer hu'n mai..

hai mujh mai zanjeer chahato'n ki...
mohabbato'n ki aseer hu'n mai..

sja hai  shero'n mai dard ''meena''...
ghazal ke lehje ki  meer hun mai