Tuesday, July 30, 2013

Thursday, June 20, 2013

shabeena adeeb ki lajawab gazal laut aao bhula kar khataen meri

shabeena adeeb ki lajawab ghazal




laut aao bhula kar khataen meri 
rah me dil bicha dun agar tum kaho

eed ka chand nikla sajee har gali
me bhi ghar ko sajadon agar tum kaho

jang se mulk jete gaye hain sada
pyar se jeet leta hai dil aadmi

ye tumhari nigahoN me nafrat hai jo
is ko chahat banaduN agar tum kaho

kya kaha ye andhere na mit payenge
kya kaha roshni ab na ho payegi 

de ke dil ka ujala charagon ko me
rat ko din banadun agar tum kaho

wo junuN kya hua wo wafa kya hue
ab to chudi bhi lane ki fursat nahee

kis mohabbat se kal tak ye kehte the tum 
chand tare bhi laduN agar tum kaho

sab yahan par hain apne paraye nahee
aur apnon se kuch bhi chupate nahee

zikr jis me tumhari jafaon ka hai 
wo gazal bhi sunaduN agar tum kaho


Read Also 



shabeena adeeb ki gazal kabhi dupatte ka kona bhi nam nahee hota


shabeen adeeb ki gazal 
shabeen adeeb ki ghazal
shabeena adeeb ki ghazal

kabhi dupatte ka kona bhi nam nahee hota
jahan ho pyar wahan koi gham nahee hota

bichad ke donoN ko isbaat ka yaqeen hua
ke door rehne se bhi pyar kam nahee hota

chand aham ashar by dr nawaz deobandi mushaira

chand behtareen ashar
by  :dr nawaz deobandi
jin par luta chuka tha me dunya ki daulaten 
un warison ne mujhe kafan naap kar diya

ya karam bhi kam nahee ham par tera rabba kareem 
barhana paida hue malboos dafnaye gaye

nekiyaN kam pad rahi theen namae aamal me
shukr hai ke dushmanoN ki galiyaN kaam aa gayeeN

hawa khilaf chali to charag khoob chala
khuda bhi hone ke kya kya suboot deta hai

raz pohonche hamare gairon tak 
mashwara kar liya tha apnon se

kuch dostoN ko ham ne nibhaya bohot dinoN 
ghate ka karobar chalaya bohot dinoN

har ek sitam pe dad di har zakhm par dua
ham ne bhi dushmanoN ko sataya bohot dinoN 

tujh se bichad ke teri qasam khush nahee rahe 
dunya to kya hai khud se bhi ham khush nahee rahe 

dushman hamari har pe khush the bohot miyan 
lekin hamare dost bhi kam khush nahee rahe

manzar bhala tha phir bhi nazar ko bura laga
dewar o dar ko sare hi dar ko bura laga

khushal hona mera azeezon se puchiye
patta hara hua to shajar ko bura laga

Must read:







GHAZAL
TERE ANE KI JAB KHABAR MEHKE

TERI KHUSBOO SE SARA JAHAN MEHKE

Shaam ke terte tasawwur se
shaam ke baad sara jahan mehke

Raat bhar sochta raha tujhko
Zehno dil mere raat bhar mehke

Yaad ayi to dil munavvar ho
deed ho jaye to nazar mehke

wo ghadi do ghadi jahan baithe
wo zameeN mehke wo shajar mehke