ab to laut kar aaja chahatoN ka mosam hai effat zarreeN ki gazal

poem ghazal
ghazal poems

jism o jaaN sulagte haiN barishoN ka mosam hai 

ab to laut kar aaja chahatoN ka mosam hai 

mere khushk honton par qahqahe to haiN lekin

meri rooh ke andar siskiyoN ka mosam hai

khab aur neend ka khatm hogaya rishta

muddatoN se aankhoN me ratjagoN ka mosam hai 

tha mere khayaloN me gulshan ek tamanna ka

mujh ko ye gumaN guzra khushbuoN ka mosam hai

shakh e gam ye khil uthe phool kuch umeedoN ke

sham e qarya e dil me khahishoN ka mosam hai 

• Tweet
• Share
• Share
• Share
• Share