by soofi gullam mustafa tabassum
sau bar chaman mehka sau bar bahar aai
dunya ki wahi ronaq dil ki wahi tanhai
dekhe haiN bohot ham ne afsane mohobbat ke
aagaz bhi ruswai anjam bhi ruswai
auroN ki mohobbat ke dohrae haiN afsane
baat apni mohabbat ki hontoN pe nahi aai
yah bazm e mohabbat hai is bazm e mohabbat me
dewane bhi shaydai farzane bhi shaidai
phali hain fazaoN me is tarh teri yadeN
jis samt nazar uthi awaz teri aai
un madh bhari aankhoN me kya seher tabassum tha
nazroN me mohabbat ki dunya hi simat aayi
0 comments: